Norombahin’Andriantefihasina Mirija, Malagasy mpilalao tenisy, ny medaly alimo, ny zoma 15 septambra teo, nandritra ny fiadiana ny amboaran’i Afrika, U14, natao tany Maroc. Lavony tamin’ny seta 2 no ho 0 (4/0, 4/0) ilay tonizianina, Skander Nsairi. Nahazo fahombiazana indray ny Akomba taorian’ny lalaon’ny Nosy natao teto amintsika.
Notanterahina omaly alahady ny andro fahadimy, fiadiana ny ho tompondakan’i Espaina, taranja baolina kitra, sokajy lehilahy. Nomontsanin’ny ekipan’ny FC Barcelone tamin’ny isa mavesatra 5 no ho 0, ny Real Betis, tao amin’ny kianja Olympique Liuìs-Companys. Marihina fa ny FC Barcelone no mitana ny laharana voalohany raha toa ka faharoa ny Real Madrid FC.
Norombahin’i Angola ny amboaran’i Afrika “CAN Tunisie 2023”, taranja Handball, vehivavy, sokajy Juniors, ny zoma 15 septambra teo.
French