Hotontosaina ny 28, 29,30 septambra ka hatramin’ny
1 oktobra izao ny tsenaben’ny fambolena sy ny fiompiana
ary ny jono, andiany faha-15, “Foire de l’élevage, de la pêche et de l’agriculture, FEPA”. Hetsika karakarain’ny Malagasy professionnels de l’élevage (MPE) etsy Nanisana. Hisongadina mandritra ireo fotoana ireo ny vokatr’ireo seha-pihariana ireo sy ny famokarana azo avy aminy. Lohahevitry ny hetsika ny “fananan’asa amin’ ny fandraharahana eo amin’ny sehatry ny fambolena sy ny fiompiana ary ny jono”. Mahatratra 130 ny tranoheva hampiranty ny vokatra sy ny fahaiza-manaony. Sehatra anisan’ ny mbola malalaka sy tokony hampiroboroboina ny fambolena sy ny fiompiana ary ny jono eto Madagasikara. Miteraka fananana asa izy sady misokatra amin’ny tsena iraisam-pirenena. “Tanjona amin’ izao hetsika izao ny hampiditra ny olona ao anatin’ireo seha-pihariana ireo”, hoy ny fanazavan’ny mpikarakara. Notohizany fa fanampiana ny tantsaha ny fanjifana mivantana ny vokatra eny an-toerana.
Toekarena
Maro ny hetsika hisongadina mandritra ny efatr’andron’ ny FEPA. Hisy ny valandresaka ataon’ireo orinasa vaventy misehatra amin’ny fambolena sy ny fiompiana. Ao ihany koa ny resaka famatsiam-bola ho an’ireo fikambanana sy kaoperativana tantsaha ho fampiroboroboana ny seha-pihariany.
Henintsoa H.
French