Mandray anjara amin’ny fihaonana an-tampony ho an’ny fampandrosoana ny indostria aty Afrika (IDDA III) andiany faha-enina ao anatin’ ny fivoriambe faha-78 ho an’ ny firenena mikambana atao any New York omaly, i Madagasikara. Nisolo tena ny firenena malagasy ny minisitry ny fampiroboroboina ny indostria sy ny varotra ary ny fanjakana, Razafindravahy Edgard sy ny minisitry ny raharaham-bahiny, Yvette Sylla. Lohahevitra nosafidiana tamin’ity taona ity ny « fametrahana ny fampandrosoana, fitazonana ny fahaiza-manao indostrialy aty Afrika: fanafainganana ny famokarana » Nivoitra fa mila maharaka ny fifaninanana anatin’ny fanatontolona ny firenena Afrikanina ary manaporofo fa manana fahafaha-mamokatra sy miavaka amin’ny firenena hafa. Mitaky fepetra maro sy fanehoana ireo rojom-pihariana enti-hiatrehana ny fifaninana ao anatin’ny fanatsarana ny seha-pamokarana nefa izany. Resy lahatra fa hampandroso ny firenena malagasy ny fametrahana ny taninketsa indostrialy any amin’ny faritra samihafa. Maneho ny fanavononana sahady izao fa afaka mifaninana eo amin’ny tsena afrikanina ny fananàntsika ireo tetikasa fanodiam-bokatra any atsimo andrefana (PTASO), ny tetikasa fanohanana ny fampiroboroboana ny indostria sy ny sehatra ara-bola (PAISF), ny faritra fari-piadidiana ara-toekarena manokana ary ny faritra hisandratran’ny indostria.
Henintsoa H.
French