Nambaran’ny Vaomiera mahaleo tena misahana ny fifidianana eo anivon’ny federasiona Malagasin’ny baolina kitra, ny alatsinainy lasa teo fa mbola eo am-pandinihina ny lisitr’ireo kandidà nandrotsaka ny taratasy filatsahan-kofidina ho komity mpitantana sy ny ho filohan’ny federasiona (FMF), izy ireo ankehitriny.
Hivoaka ny talata 26 septambra ho avy izao, ny lisitr’ ireo kandidà nahafeno fepetra ka ho afaka hifaninana amin’ izany. Anisan’ny hitodihan’ny mason’ny rehetra ireo kandidà miady izay ho filoha, hoan’ny taom-piasana manaraka. Raha tsiahivina, miisa 5 mirahalahy mianaka izy ireo. Olona tsy zoviana amin’ny rehetra intsony fa efa niaina tao anatin’ny tontolon’ny baolina kitra avokoa. Anisan’ireny, Rakotomalala Stanislas, sekretera jeneralin’ny Club de football elite de Madagascar (CFEM), misahana ny fifaninanam-pirenena “Orange Pro League (OPL)”. Eo koa i Victorien Andrianony, filoha mitantana ny federasiona amin’izao fotoana.
Fahatelo, Andriamanampisoa Alfred, filoha lefitra eo anivon’ny FMF. Manaraka azy, Rakotomamonjy Neypatraiky, efa mpikambana teo anivon’ny federasiona, tamin’ny andro nitondran’i Ahmad, loholon’i Madagasikara. Farany, Astina Douglas mpandraharaha sady filoha mpanorina ny JFC Toliara.
Tompondaka
French