Tontosa anio ny hetsika “Slam Family” sy ny tafatafan’ny mpandray anjaran’ny “Slam national” amin’i Marc Smith, hetsika izay tafiditra ao anatin’ny «Slam national 14». Ny mpandray anjara amin’ny fifaninanana nasionaly no tena hahazo tombony amin’ity hetsika anio ity. Tanjon’ny Madagaslam, izay mpikarakara ny hetsika, ny fanomezana fahafaham-po sy hampandraisana anjara ny rehetra ao anatin’ity hetsika lehibe ho an’ny Slam Malagasy ity.
Mitohy hatrany ny hetsika ao anatin’ny fanatanterahina ny “Slam national 14”. Amin’ity anio ity, hibahan-toerana bebe kokoa ny fifampizarana eo amin’ny mpandray anjara amin’ny “Slam national 14” sy ny mpankafy. Ankoatra izay, hihaona an-jotra amin’i Marc Smith, anisan’ny namorona ny Slam, ireo mpandray anjaran’ny “Slam national 14”.
Fotoana lehibe, hampitomboina ny fahaiza-manao sy ny traikefa eo amin’ny tontolon’ny Slam ny fotoana sahala amin’ izao. Ankoatra ny fifampizarana eo amin’ny samy mpiangaly Slam mantsy, hampitombo ny fahaiza-manaon’ireo mpifaninana ihany koa i Na Hassi sy i Hoby, Marc Smith ary i Nicolas Séguy.
Lin
French