Sombim-baovao

Losc Lille, klioba baolina kitra D1 any France. Anisan’ireo klioba hanatrika ny fifantenana farany, izay hatao eto Antananarivo, ny 27 novambra -2 desambra ho avy izao. Abdenord Belkaci, mpitily ofisialin’ny Losc Lille mihitsy no ho avy eto amintsika. Marihina fa hetsika «  Baolina kitra mahatafita », tetikasan’ny minisiteran’ny Fanatanjahantena sy ny tanora izy ity.
Mitohy ihany ny fifindrana mpilalao mankany amin’ny Nosy Seychelles amin’izao fotoana. Ani­san’ireo hiara-kilalao ao amin’ny ekipan’ny Cote d’Or Seychel­les i Hasina sy i Sambatra. Tsiahivina fa lohalaharan’ny Toulon Academy Football teo aloha, i Hasi­na raha toa ka mpanafika fahinin’ny Fosa Junior FC, i Sambatra.
Hotanterahina manomboka anio, any Portu­gal, ny fiadiana ny ho tompondaka maneran-tany ta­ran­ja Judo, sokajy “Junior”, lahy sy vavy. Handray anjara amin’izany i Madagasikara, i Laura Rasoanaivo ho an’ny sokajy vehivavy raha toa ka i Lova Mahaisoa Randrianasolo, ny eo amin’ny sokajy lehilahy.
Araka ny vaovao navoakan’ny Malagasy Rugby, hotontosaina eny amin’ny kianja Makis Ando­hatape­naka ny famaranana ny fifaninanana « XXL Top 20 ». Ny ekipan’ny FTM Manjakaray sy ny Cosfa, Miaramila, no hifanandrina amin’izany. Tsiahivina fa hanao ny ady toerana izay ho fahatelo, ny USCAR sy ny 3FB.