Fiara sprinter iray nitsoraka tao ambany tetezana teny Soavina, Atsimondrano, afakomaly alina. Nidoboka tampoka ny fiara, tokony ho tamin’ny 8 ora alina. Nivadika ka ny kodiarana no lasa ambony. Navoaka ireo mpandeha ary nentina notsaboina teny anivon’ny CSBII.
Maty voatifitra ny jiolahy namaky fiara an’ny manamboninahitra teny Fiadanana, afakomaly alina. Tsikaritry ny tompon’ny fiara ny fihetsik’io olon-dratsy io. Nanome baiko ilay mpangalatra hijanona, araka izany, ilay manamboninahitra saingy nanao tongotra an-katoka ka izao niafara tamin’ny fitifirana azy izao.
Mitokona eo anoloan’ny tranon’ny solombavambahoaka iray ao Vohipeno ny fokonolona noho ny tsy fankasitrahan’izy ireo ny fahamaizan’ny tranony, omaly. Tsy may ny tranonay raha toa ka tsy naterin’ny solombavambahoaka teny amin’ny biraon’ny polisy ilay namono nahafaty ny sakaizany, hoy ny fokonolona ao Vohipeno.
Trano 11 tafo niharan’ny firehetana tao Antsaramidola, distrikan’i Mandritsara, afakomaly. Niredareda ny afo tamin’ny 4 ora hariva. Nifamonjen’ny fokonolona novonoina izany saingy lasibatra ireo trano am-polony ireo. Olona 22 tra-boina vokatry ny loza.
French