Tontosaina anio hariva, eny amin’ny Institut français de Madagascar (IFM) Analakely, ny seho ataon’ny Festen. Hetsika hanehoan’izy ireo ny rakikira “Repliçant” ho an’ny Malagasy mpankafy azy ireo. Ankoatra ny seho nataon’izy ireo omaly, nandritra ny fampisehoana nanokafana ny hetsika. Seho maneho ny maha izy azy ireo ranoray no hasehony mandritra ity fampisehoana anio ity.
Tato anatin’ny folo taona farany izao dia nisongadina hatrany ireto tarika mpiangaly Jazz avy ao Paris, Frantsa ireto. Mampiavaka ny Festen ny fiangaliny ny gadona “Rock”, tany amin’ny taona 90, nasiam-panovana sy nampifanarahan’izy ireo amin’ny maha izy azy. Miisa dimy ny rakikira navoakan’ny tarika hatramin’izay. Ny “Inside Stanley Kubrick”, ny taona 2018 kosa no tena nahafantarana azy. Mandritra ity fampisehoana anio ity no hanehoan’izy ireo ny rakikira “Repliçant”. Raha ny mahakasika ny rakikira “Repliçant”, aingam-panahy avy amin’ny zava-misy voatr’olombelona, noforonin’i Blade Runner no niaingan’ny famoronana. Efa ao anatin’ny fahavononana tanteraka ny tarika, hanome ny tsara indrindra avy amin’izy ireo, ho an’ny mozika sy kanto malagasy, indrindra ao anatin’izao “Festival International Madajazzcar” izao.
Lin
French