Manana ny lanjany amin’ ny lafiny fampandrosoana eto amintsika ny sehatry ny jono, satria manana fari-dranomasina midadasika i Madagasikara. Manana paikady mazava ny minisiteran’ny Jono sy ny toekarena manga, misahana izany ao anatin’ny fandaharanasa «Fampandrosoana sy ny jono sy ny harena an-dranomasina».
Maro ny zava-bita tamin’ izany, ka miisa fito ny karazana fotodrafitrasa namboarina ho fitahirizana sy fanodinana ny hazandrano, avy amin’ny famatsiam-bola madio (PIP) an’ny minisitera. Toy ny nametrahana toby fampangatsiahana (unité de froid) miisa roa any Ambatondrazaka sy Morondava. Miisa roa ny toby fanodinana trondro any Miandrivazo sy Manakara. Misy ny toeram-pitahirizana vokatra any an-tsena, miisa roa any Maevatanana sy Morombe. Eo koa ny fametrahana fari-pampivoarana ny fiompiana trondro any Ihosy.
Manampy ireo, miisa 16 ny fotodrafitrasa avy amin’ny tetikasa “Swiofish” andiany faharoa. Toy ny birao fiasana miisa 4 any Ambanja, Fenoarivo Atsinanana, Toliara ary Ambovombe. Misy koa ny
toerana fampidinana entana (débarcadère) iray any Ambanja. Eo koa ny fotodrafitrasa mikasika ny jono miisa 11, ka any Maroantsetra ny 2, any Mananara Avaratra ny 1, any Ambilobe ny 3, any Nosy-Be ny 2 ary any Ambanja ny 3.
Njaka A.
French