Voarara ny fihinanana ny henan’ny antsantsa sy ny « sardine », any amin’ny faritra Analanjirofo, manomboka amin’ity volana oktobra 2023 ity, hatramin’ny volana mai 2024. Noraisin’ny fanjakana ity didim-pitondrana ity, hisorohana ny mety ho fanapoizinana amin’izao vanim-potoana mafana izao.
Nindram-bola amin’ny Banky koreana Exim Bank ny fanjakana. Natao hanatanterahana ny tetikasa fanamafisana ny tambajotra fitaterana herinaratra eto Madagasikara (Prirtem I) izany. Ho raisin’ny fanjakana an-tanana ny haba sy ny hetra ao anatin’ity fifanarahana ity.
Mandeha ny asa fanamboarana ny tetezana Saharamy any Analanjirofo. Mampitohy kaominina miisa 5 ity tetezana ity, amin’i Mananara sy Antanambaobe, Antananarivo, Sandrakatsy, Ambatoharanana ary Tanibe. Vinavinaina ho vita mialoha ny faran’ny taona 2023 ity fotodrafitrasa ity.
Hanomboka tsy ho ela ny fanarenana ny ampahan-dalana eo amin’ny «rond-point» Anosizato mandalo ny Fasan’ny Karana. Efa nivoaka ny fifanarahana amin’ny orinasa hanao azy, izay tsy maintsy vitaina mialoha ny faran’ity taona ity. Anisan’ny tena ratsy, mampitohana fifamoivoizana iny ampahan-dalana iny.
French