TARATRY ny KANTO

Mampiranty any Grenoble i TangalaMamy. “Nour­rir demain” ny lohahevitry ny saripika hataon’ity mpaka sary matihanina ity, ao amin’ny oniversiten’i Gre­noble, manomboka anio. Saripika maneho ny fambolena, ny sakafo sy ny olombelona ireo nosafidian’i Tanga­la Mamy haranty, hatramin’ny 20 oktobra ho avy izao.
Ho avy any Antsiranana ny Logos Hope. Ilay sambo lehibe izay natao ho famakiam-boky mitety vazantany. Ny 27 oktobra hatramin’ny 12 desambra izao no hihantsona ao amin’ny seranantsambon’ Antsiranana ny sambo. Boky maherin’ny 5 000 isa, manodidina ny lohahevitra maro no ao anatin’ny Logos Hope. Azo jifaina sy vakina eo an-toerana ireo boky, ho an’izay liana, manomboka ny talata hatramin’ny sabotsy.
Tontosa ny faran’ny herinandro teo, teny amin’ ny IKM Antsahavola, ny seho ara-javakanto nampitondraina ny lohateny hoe “Eo imolotrao”. Ny boky “Eo imolotrao” no nentina an-tsehatra nandritra izany fampisehoana izany. Tao anatin’izany ihany koa no nampahafantarana ny momba ity boky ity.
“Trait d’union”. Malagasy mpahay kanto miisa 6 no mampiranty ny haikantony eny amin’ny Louvre Anta­ninarenina, amin’izao fotoana izao. Ny 31 oktobra 2023 vao hifarana izany. Ny fifandraisana eo amin’ny kolontsaina sy ny firenena iray no tena asongadina ao anatin’ireo mpahay kanto ao anatin’izao fampirantiana izao.