Vehivavy mpivarotra rongony saron’ny polisy tao Ankaraobato, afakomaly. Nahitana fonosana zava-mahadomelina 200 isa tao amin’io voasambotra io. Nilanja 2 kg io rongony nokasaina hamidy amin’ireo mpidoroka ao an-toerana io. Naiditra am-ponja vonjimaika.
Mpangalatra kisoa iray voasambotry ny zandary tao Faratsiho, ny talata 17 oktobra teo tamin’ny 11 ora atoandro. Nojaikoin’ny mpitandro filaminana teo am-panaovana ny asa ratsiny io ramatoa io. Nanantena hampatory tamin’ny ody ratsiny io mpangalatra io kinanjo tsy nahomby izany. Nentina natao famotorana izy ary atolotra ny fampanoavana tsy ho ela.
Vehivavy nandeha taxi-bisikileta iray maty tsy tra-drano vokatry ny lozam-pifamoivoizana teny Antanimenakely-Ampitatafika, omaly. Nodomin’ny kamiao avy any aoriana ilay bisikileta. Vaky ra ny lohany rehefa voasaringotry ny fiara ny akanjon’ilay ramatoa. Naratra ilay mpitondra bisikileta.
Voasambotry ny mpitandro filaminana ny jiolahy mpanao fanafihana mitam-piadiana tao Andranomahavelona-Masombahiny, kaominina Ambohimalaza, afakomaly. Nisehoana vaky trano tao amin’io toerana io, ny alin’ny 12 oktobra lasa teo, tamin’ny 01 ora maraina. Nafatotr’ireto olon-dratsy ny olona tao an-trano. Tafaporitsaka tampoka anefa ny iray tamin’ireo lasibatra. Nampandre avy hatrany ny mpitandro filaminana ity farany. Raikitra ny fikarohana ny nahavanon-doza nanomboka teo.
French