Tsy vita hatramin’ny farany ny diaben’ny 11 kandidà, omaly. Nifarana tetsy Manakambahiny izany raha nikasa ny ho any Tsimbazaza izy ireo. Tsy mbola vita ny kabarin’ireo mpitarika ny diabe, nisy mpitandro filaminana marobe nandrava ny hetsika teny an-toerana. Tsiahivina fa tokony teny Bel’Air ny fotoanan’ireto mpanao fihetsiketsehana ireto, saingy efa nisy an’ireo zandary niandry teny an-toerana ka izay no nahatonga ny dian’izy ireo niova. Marihina fa niainga teny Antsakaviro ny fihetsiketsehana ary nihazo an’Ambanidia ka voasakana teo Manakambahiny. Tsy nisy ny fandefasana baomba mandatsa-dranomaso ary tsy nisy koa ny olona naratra sy ny aina nafoy nandritra ny hetsika, omaly. Mikasa ny hanohy ny diabe ireo kandidà 11 sy ny mpanara-dia azy ireo, anio. Toerana maro no voafaritra fa hiaingan’izy ireo amin’izany: Ampasapito, Ankazomanga, Ampasika, Ampefiloha, manomboka amin’ny 10 ora sasany. Raha ny fantatra omaly, hihazo ny eny amin’ny Coliseum Antsonjombe izy ireo.
Raha tsiahivina, efa namoaka fepetra ny prefektioran’Antananarivo ny amin’ny fanaovana hetsika tsy nahazoana alalana ankoatra ny fampielezan-kevitra.
Randria
French