Hotanterahina anio sabotsy 28 oktobra, any France, ny lalao famaranana ny fiadiana ny amboara maneran-tany, taranja rugby. Ny ekipam-pirenena Springboks, Afrika Atsimo sy ny All Blacks, Nouvelle Zélande no hifanandrina amin’izany. Tsiahivina fa ny sabotsy sy ny alahady lasa teo izy ireo no tafavoaka tamin’ny manasa-dalana. Raha hiverenana izany, ny Springboks nandresy ny XV de la Rose, Angleterre, tamin’ ny isa tery 16 no ho 15, ny sabotsy 21 oktobra lasa teo. Nomontsanin’ny All Blacks tamin’ny isa mavesatra, 44 no ho 6 i Argentine, ny zoma 20 oktobra lasa teo.
Adin’ny samy ngeza ity lalao ity. Samy haka ny anaram-boninahitra faninefany ho azy avy ny roa tonta. Nandritra ny herinandro lasa teo, nanoman-tena mafy ny roa tonta. Raha ny fihaonan’izy ireo farany, mbola manala vela i Nouvelle Zélande. Niondrika teo anatrehan’i Afrika Atsimo, tamin’ny isa mavesatra 7 no ho 35, ny ekipa nasionaly Nouvelle Zélande.
Marihina fa ny Springboks no tompondaka farany tamin’ ny «Mondial Rugby 2019”. Tsara ny mampahafantatra fa nanomboka ny 8 septambra lasa teo ary hifarana anio ny “Mondial Rugby 2023”.
Fitia Randria
French