Nivoaka tamin’ny fiandohan’ity volana novambra ity ny vaovao tsara ho an’i Luck Razanajaona, mpanatontosa sarimihetsika. Nitombo indray ny vatsy azony, avy amin’ny tetikasa « Fonds pour la jeune création francophone », tamin’ny alalan’ny horonantsary « Mia » notontosainy. Vatsy mitentina 11 000 euros no azony vokatr’izany. Raha tsiahivina, horonantsary nataona tanora mpanatontosa afrikanina, miisa 13 no nosafidiana tao anatin’izany.
Mitohy hatrany ny fahombiazana ho an’i Luck Razanajaona. Mitotaly 31 000 euros, araka izany ny vatsy azony avy amin’ny “Fonds pour la jeune création francophone”. Tamin’ ny alalan’ny sarimihetsika lava, nampitondrainy ny lohateny hoe « Disco Africa » no nandrombahany ny vatsy 20 000 euros, izay natolotra azy nandritra ny « Festival Africano » ny volana mai 2023. Ny fiandohan’ity volana ity kosa no nanambarana ny nahazoany ny vatsy manaraka, tamin’ny alalan’ny sarimihetsika fohy, nampitondrainy ny lohateny hoe « Mia ».
Ny 2 oktobra 2023 teo no voafidy ho anisan’ny tetikasa 13 ho fantenana izay hisitraka ny vatsy ny sarimihetsika notontosain’i Luck Razanajaona.
Lin
French