Manamafy ny fahavononany hanatsara ny tolotra ho an’ny mpanjifany ny Telma. Anisan’izany ny fiaraha-miasany sy ny Zoma.mg, nomena ny lohahevitra «Black November». Ahitana ny tolotra samihafa mivantana amin’ny alalan’ny tsena niomerika «Marketplace Zoma.mg».
Tanjona ny hanatsarana sy hanakaikezana hatrany ny mpanjifa, tsy andaniana fotoana sy ny fivezivezena. Hita ao anatin’ny tambajotra E-Shop Telma ao amin’ny adiresy elektronika (site) Zoma.mg, ny tolotry ny Telma rehetra.
Nomarihin’ny Adminisitratera, tale jeneraly (ADG) ny Telma, Patrick Pisal Hamida, fa «manan-danja ity fiaraha-miombon’antoka amin’ny Zoma.mg ity. Ahafahan’ny mpanjifa mampiasa ny tolotra marobe ity fifanarahana ity, manamora ny fahazoana ny vokatry ny Telma, nefa koa manamora ny fanomezana izany ho an’ny mpanjifa».
Fihenam-bidy mandritra ny novambra
Misy fampihenam-bidy manokana amin’ity volana novambra ity. Novaina ho «Black everyday» ny «Black Friday» mahazatra. Izany hoe, isan’andro ny fihenam-bidy amin’ny vidin’ny finday fa tsy ny alakamisy irery ihany. Manampy izany, mihena ho 99 000 Ar ny tolotra I-feel, raha tokony ho 129 000 Ar, miampy fanampiny (bonus) 1GO isam-bolana mandritra ny enim-bolana. Mihena ho 249 000 Ar ny S-prime ahazoana fanampiny 2GO. Maimaimpoana ny fanaterana ny entana ho an’ny fividianan-javatra mihoatra ny 100 000 Ar.
Njaka A.
French