Mahatratra 85 tapitrisa dolara ny famatsiam-bolan’ny Fikambanana iraisam-pirenena ho an’ny fampandrosoana (Ida), tahirim-bolan’ny Banky iraisam-pirenena. Napetraka ny fandaharanasa Fiavota, hiadiana amin’ny fahantrana sy ny kere any amin’ny tapany atsimon’ny Nosy.
Anisan’ny niaina ny mosary, tamin’ny taona 2016, i Volatsarasoa, 33 taona, monina any Malangy, distrika Ambovombe. Nambarany fa « tena mafy ny zava-nisy, nijaly izaho izay bevohoka sy ny vadiko ary ny zanako efatra. Vary iray vilia no zarainay ary amin’ny hariva ihany. Zara raha mahazo 500 Ar isan’andro ny kitay raofinay namidy avy eo. Tsy ampy ividianan-tsakafo sy rano izany ».
Niaina toa an’i Volatsarasoa io ny mponina maro. Nanampy tany an-toerana ny Ida, ka nahatratra 85 tapitrisa dolara ny famatsiam-bola ny fandaharanasa Fiavota. Nentina hiarovana ara-tsosialy sy hanampiana ara-bola ary hanohanana ny mponina. Anisan’ ny nisitraka izany i Volatsarasoa, ankehitriny. Afaka miaina ny fianakaviany taorian’ny fiofanana. Hainy ny mitantana ny vola ao an-trano, sady miompy sy mamboly mahazaka ny haintany. Maherin’ny 1 tapitrisa ny olona nisitraka ny Fiavota.
Njaka A.
French