Hisokatra ny fifaninanana hidirana amin’ny « Internat qualifiant en médecine », araka ny fampitam-baovao nataon’ny minisiteran’ny Fahasalamam-bahoaka. Natokana ho an’ny teratany malagasy sy kaomorianina izany. 60 ny isan’ ny toerana ho an’i Madagasikara. 50 ho an’ny mpifaninana sivily mpitsabo, 10 kosa ho an’ny miaramila. Telo ny toerana ho an’ny mpifaninana avy any Kaomoro amin’ny sampam-pitsaboana enina: fandidiana amin’ny ankapobeny,
fitsaboana ny zaza…
Afaka mifaninana ny mpitsabo taona fahafito sy fahavalo manaraka fampianarana eny amin’ny oniversite. Manampy azy ireo ny efa mikarakara thèse (thesards). Afaka mifaninana koa ny mpitsabo efa nahavita fianarana nivoaka avy amin’ny fakiolten’ny fianarana ho mpitsabo teto Madagasikara.
Tokony ho feno 35 taona no ho miakatra ilay mpifaninana amin’ny andro hanatanterahana ny fandraisana. Hotontosaina ny 14 sy 15 ny volana febroary 2024 ny fifaninanana amin’ny foibem-panadinana eto Antananarivo, Fianarantsoa ary Mahajanga. Aterina eny anivon’ny fakiolten’ny Fianarana ho mpitsabo isaky ny renivohi-paritany enina ny antontan-taratasy fangatahana. Ny tomponandraikitry ny fakiolte no mandefa izany miaraka aty Antananarivo. Misy dingana telo ny fifaninanana izay haharitra roa andro.
Vonjy
French