Hamonjy fodiana, maty voatifitry ny jiolahy nitam-basy teny Ambohitraharaba, ny faran’ny herinandro teo, ny lehilahy iray.
Jiolahy efa-dahy nitondra moto roa nanafika mpamongady iray teny an-toerana ny zoma 23 novambra teo. Nitondra fiara ireo mpivarotra ka nandrasan’ireo jiolahy kendry tohina. “Efa nanaraka ireo mpivarotra nanomboka tany Andravoahangy ireo jiolahy ary mety efa niandry taty Ambohitrarahaba ny roa lahy namany”, hoy ny fianakavian’ny maty. Lasan’ ireo jiolahy ny vola tamin’ny sakaosy. Nirifatra niaraka tamin’ny moto ireo olon-dratsy. Nifanindry an-dalana tamin’ireto farany, raim-pianakaviana iray nitondra moto hody ao Ambohitrarahaba nifanehatra tamin’ireo jiolahy. “Nosongonany tamin’ny moto ireo jiolahy avy nandroba”, hoy ny fanamafisan’ny fianakavian’ny voatifitra. Noheverin’ireo jiolahy fa mpitandro filaminana hanenjika azy, noho izany, ilay lehilahy io ka notifiriny. “Voan’ ny bala indroa nisesy tao an-damosiny izy”, hoy hatrany ny havan’ny maty. Tsy vitan’io, mbola nidinan’ireo tsy mataho-tody ary noverenany notifirina teo amin’ny tratrany io raim-pianakaviana io. Nentina nihazo ny hopitaly saingy tsy tana intsony ny ain’ity farany.
Tsiferana R.
French