Lalam-pihariana anisan’ny nahitantsika tombontsoa ny kakao manomboka any amin’ ny tantsaha ka hatrany amin’ ny mpanondrana. Nandrombaka ny vokatra tsara kalitao indrindra maneran-tany (Cacao fin 100%) i Madagasikara, vao tsy ela. Tsy nitsaha niakatra ihany koa ny vidin’ny kakao noho ny tinady iraisam-pirenana. Na izany aza, tokony jerena ny fanitarana ny voly any amin’ny faritra Atsinanana sy Atsimo Atsinanana mba hampitomboina ny vokatra. Mila jerena ny fanavaozana ny voly efa antitra izay tsy manome vokatra ilaina intsony. Ao koa ny fampanarahana ny fepetra sy ny fenitra takin’
ny varotra iraisam-pirenena indrindra ny tsena eoropeanina. Ny fampirisihana ny fandraisan’anjaran’ny mpiantsehatra kakao sy sokola malagasy amin’ireo hetsika iraisam-pirenena sy ny fampihaonana azy ireo. Eo koa ny ady amin’ireo bibikely mpanimba voly. Nivoitra izany nandritra ny fivorian’ny komity nasionaly kakao (CNC) ny zoma teo, tetsy Ambohidahy. Nandray anjara tamin’ity fivoriana ity ny rafi-panjakana sy ny mpikambana avy amin’ny sehatra tsy miankina.
Henintsoa H.
French