Hotontosaina ny alahady ho avy izao, eny amin’ny kianja Rabemananjara Mahajanga, ny lalao famaranan’ny «Coupe de la ligue Boeny». Hiady ny amboarabe sy ny lelavola iray tapitrisa ariary ny FC Sarobidy sy ny FC JTM. Marihina fa hahazo vola avokoa ny faharoa sy ny fahatelo amin’izany.
Hanomboka ny 27-30 desambra ho avy izao, any Betafo, ny fifaninanana baolina kitra “Katita milalao baolina kitra”, sokajy U.9, U.10, U.11, U.15. Ny klioban’ny Disciples FC Vakinankaratra no hikarakara ity lalao ho an’ny tanora ity. Araka ny voalazan’izy ireo, hotontosaina eo amin’ny kianja manara-penitra Betafo izany.
Notanterahina nanomboka ny alatsinainy lasa teo, teny amin’ny Club Olympique de Tananarive (COT) Ankadikely Ilafy, ny fiadiana ny ho tompondakan’i Madagasikara, taranja Tenisy. Hita fa nanjaka tanteraka ny mpilalao avy amin’ny ligin’Analamanga, eo amin’ny sokajy “4ème Série”, lehilahy.
Hotanterahina anio, ao amin’ny kianjan’ny Emirates Angleterre, ny lalao miverina ihaonan’ny Arsenal FC mpampiantrano sy ny RC Lens France. Fihaonana tafiditra amin’ny fifanintsanana isam-bondrona ho an’ny fiadiana ny ho tompondakan’i Eoropa “Ligue des Champions 2024”.
French