Malagasy mpitsara efatra no nitsara ny lalao nihaonan’i Maurice sy Seychelles, taranja baolina kitra, omaly, tany Maurice. Marihina fa lalao ara-pirahalahiana ity fifanandrinan’ny roa tonta ity. Anisan’ny mpitsara tamin’izany Raharimanantsoa Lovasoa, Razafitsalama Herilalaina, Ramanantsara Nivo, ary i Ohabee Abdoul.
Notanterahina omaly, teny amin’ny kianjan’Ambohidratrimo, ny andro faharoan’ny fifaninanana « Grand Tournoi d’Antananarivo (GTA) ». Nomontsanin’ny Elgeco Plus FC “Opl” tamin’ny isa 7 no ho 1 ny AS Spartiates. Fandresena roa izay no azon’ny Elgeco Plus tamin’ity fifanintsanana ity.
Nifarana ny alahady lasa teo ny fiadiana ny ho tompondakan’ i Madagasikara, taranja tenisy. Nanjakan’ny ligin’Analamanga tanteraka ny fifaninanana. Nisy ireo mpilalao nandrombaka ny amboaran’ny “meilleures progressions”. Anisan’izany ry Martinez Mitia, vehivavy mpilalao sy Rakotonirina Paul, sokajy lehilahy.
Notoloran’ny filohan’ny ligin’Amoron’i Mania “certificat de fin de formation” ireo 20 mianadahy mpitsara, (vehivavy 5 sy lehilahy 15) ny alatsinainy lasa teo. Naharitra telo andro ny fiofanana azon’izy ireo. Tanjon’ity ligy ity ny hananana mpitsara maro afaka mitsara lalao isan-karazany.
French