Voasambotry ny zandary ireo jiolahy efatra tompon’antoka tamina halatra varavarana amina tranon’olona iray eny Tsaramanga Tsiafahy, afakomaly. Tratra teny amin’izy ireo koa ny fitaovana fampiasany rehefa manao ny asa ratsiny. Maro ireo tranon’olona very varavarana amin’iny faritra iny, raha ny fanazavan’ny zandary.
Tratra teo am-panongotana jiro manazava ny tanàna ao amin’ny fokontany Anosiala Ambohidratrimo ny jiolahy iray, afakomaly. Jiro mandeha amin’ny herin’ny masoandro miisa sivy no tratra teny aminy tamin’ny fotoana nisamboran’ny zandary azy. Eo am-pikarohana ireo namany mpiray tsikombakomba aminy ny zandary.
Maty rotiky ny balan’ny zandary ny dahalo raindahiny amin’ny fanafihana mitam-piadiana ao amin’ny distrikan’i Mandoto. Nisy ny fifanenjehana mialoha izao saingy tsy naharesy tosika ireo mpanara-dia ny andian-dahalo. Mitohy ny fanarahan-dia ataon’ny zandary.
French