Voasambotry ny polisy ny lehilahy nihazona basy vita gasy tao amin’ny fokontany Ambalakida, distrikan’Antsohihy, afakomaly. Mpitandro filaminana nanao fisafoana amin’ny alina no nahasarona azy. Nohazomina vonjimaika io lehilahy io ary atolotra ny fampanoavana tsy ho ela.
Dahalo nikasa hangalatr’omby matin’ny fitsaram-bahoaka tao Faliarivo, fokontany Ambalafeno, kaominina ambanivohitra Fidirana, distrikan’i Mandoto, afakomaly. Efa azon’ny fokonolona izy ary saika entina hihazo ny biraon’ny zandary. Nitsoaka nandositra sady nitora-bato io dahalo io ka matin’ny fokonolona.
Roa lahy namaky trano vadim-piangonana voasambotry ny zandary tao amin’ny fokontany Soamanjaka, kaominina Ampangabe, distrikan’ Ambohidratrimo, omaly maraina. Mbola nahatrarana akoho halatra koa teny amin’izy roa lahy ireto. Narahin’ny fokonolona ireto mpamaky trano ireto rehefa naneho fihetsika hafahafa ka noraisim-potsiny.
Posy nitondra mpianatra nifandona tamin’ny moto tao Ankilisoafilira, Toliara, omaly maraina. Nandeha mafy ilay kodiaran-droa. Tsy hitan’ilay mpitari-posy tampoka anefa ny fihavian’io moto io ka nifandona ny roa tonta. Tsy nisy ny aina nafoy.
French