Tanora Masina Itaosy (T.M.I), nahatontosa seho maro nandritra ity taona 2023 ity. Tao ny fampisehoana tamina sehatra lehibe (Antananarivo, Antsirabe…). Tsy vitsy koa ireo notanterahina tany anivon’ny fiangonana. Hitohy rahampitso 10 desambra, manomboka amin’ny 2ora sy sasany tolakandro, eny amin’ny FLM Ambatonjara By-Pass izany. Fampisehoana hira evenjelika sy fitoriana an-kira karakarain’ny Sampana Kristiana Tanora Loterana Malagasy eto amin’ny Synodam-paritanin’Antananarivo (KTLM SPAnta). Raha tsiahivina, anisan’ny mampiavaka ny Tanora Masina Itaosy ny fananana tononkira tsotra afaka mipaka tsara any amin’ireo izay maheno azy. Mivelatra amina lohahevitra maro rahateo ireny tononkira ireny. Ao ny momba ny firenena, ny fiarahamonina, ny finoana sy ny halehiben’ny voninahitr’Andriamanitra, ny fitondran-tena mendrika, sns.
… Ho an’izao fotoana mamaramparana ny taona 2023 izao, imasoan’ny Tanora Masina Itaosy ny hamerina sy hampahatsiahy ao anaty tambajotran-tserasera, ireo seho lehibe sy nampihetsi-po notontosain-dry zareo.
Nanangona : HaRy Razafindrakoto
French