Notokanana ny 8 desambra teo, ny fanavaozana ny sekoly EPP ao amin’ny Araben’ny fahaleovantena Garbit, Antsirabe. Tanteraka izany vokatry ny fiaraha-miasan’ny Vondrona orinasa Axian sy ny Telma. Nahafahana nanao azy ny fandaharanasa ho an’ny orinasa Sekoly Telma, ny M’Hetsika MVola ary ny Madio Toa, novolavolain’ny Fondation Axian, vatsian’ny Telma ara-bola.
Nohavaozina tanteraka ny efitrano sekoly miisa dimy ao amin’ity EPP ity, miampy fanorenana efitranon-tsekoly iray vaovao, ho an’ny mpianatra vao mianatra (pré-scolaire). Misy koa ny fotodrafitrasa fandrahoan-tsakafo sy fisakafoana. Manampy ireo, ny toeram-pidiovana sy ny kianja filalaovana baskety ho an’ny mpianatra.
Efa nanomboka ny taona 2016 ny fiaraha-miombon’antoka teo amin’ny Vondrona Axian, ny Telma ary ny fikambanana Kozama, hoentina mampiroborobo ny lafiny fanabeazana maharitra. Manodidina ny 30 ny fiaraha-miasa natao, mifantoka amin’ny fanabeazana, ny fanatanjahantena ary ny fahasalamana.
Njaka A.
French