Hamoaka ny boky “Ny Vehivavy filamatra” i Harifidy Ramarozatovo, mpanoratra. Haseho etsy amin’ny Espace Loisirs Antaninarenina, ny alarobia 20 desambra izao, manomboka amin’ny 10 ora maraina hatramin’ny efatra ora hariva ity boky vaovao ity. Voarakitra ao anatiny ny andram-pamakafakana miendrika fitantarana kely ny tranga na zava-misy amin’ny endrika kanto, miisa 50 eo ho eo. 100 pejy ny boky. Vehivavy 51 no resahana. Misy sokajy maro, mpampianatra, raiamandreny, tanora, mpitantana orinasa, mpiasa an-trano, sns, avy any amin’ny faritra samihafa.
“Efa ho roapolo taona no nanoratana tsikelikely azy io, miainga amin’ny fahitana ny zava-misy sy ny faharesen-dahatra fa misy toetra na fihetsika izay hananan’ny vehivavy ary tokony hasongadina mba ho fitaratra ho an’ny hafa satria antoka iray lehibe mampivoatra ny fiarahamonina izany”, hoy i Harifidy. Nandray anjara tamin’ny famolavolana ny boky ny mpikambana maro ao amin’ny havatsa-Upem sy tanora mpanoratra maro toa an’i Namby mivetso, Dimbin’ ny nofy, Riandrano, Ny Manitra Abraham, Dimby Mahenina, Heriarilala Andriamamonjy ary Felamboahangy.
Nanangona : HaRy Razafindrakoto
French