Fetin’ny Krismasy mira fetin’ny ankizy. Fetin-tsekoly koa matetika, hanehoan’ireo mpianatra ny talentany. Tsy hidify amin’izany fanao izany ireo mpianatry ny Iarivo Art & music Academy, etsy Andravoahangy Ambony.
Amin’ny maha sekoly fianarana mozika azy anefa, hiavaka noho ny sekoly rehetra ny fetin’ny mpianatra. Haka endrika fampisehoana goavana izany, izay hotontosaina ny alahady 24 desambra izao, manomboka amin’ny 3 ora tolakandro, etsy amin’ny tokotanibe garan’i Soarano.
« Wesing Disney » ny lohatenin’ny seho, satria hampiaina an-tsehatra ireo hira mandravaka sarimiaina voafantina ireo mpanakanto. Misy maro dia maro izy ireo, nanamarika vanim-potoana maro ihany koa, ary tsy ny ankizy ihany no mankafy azy.
« Mpianatra mahay ao aminay vitsivitsy no hitendry piano hanaraka ireo mpihira mahay be ireo. Hisy mpitendry matihanina ihany hanaraka azy ireo mba hampatsiro ny feo », hoy ny fanazavana kely natsipin’i Njaka Rakotonirainy, mpitendry kalaza sady mpampianatra mozika, ary tomponandraikitra voalohany ao amin’ny Iarivo Art & Music Academy
.
Zo nyAina
French