Nifindra ao amin’ny klioban’ny Inter Miami FC, any Etats-Unis, i Luis Suarez, Orogoay mpilalao baolina kitra. Araka izany, miisa efatra izy ireo no mpilalaon’ny FC Barcelone, klioba espaniola nifindra ao amin’ity ekipa amerikanina ity. Hiverina hiaraka hilalao indray izany i Messi, i Suarez, i Sergio Busquet ary i Jordi Alba.
Lavon’ny Nottingham Forest tamin’ny isa 3 no ho 1 ny Newcastle United, nandritra ny lalao hiadiana ny ho tompondakan’i Angleterre, “Premier League”, taranja baolina kitra. Nahatafiditra ny baolina telo ho an’ny Nottingham, i Chris Wood. Marihina fa ny Newcastle no nahakobana ny harato voalohany.
Afaka fotoana vitsy, hanomboka ny fividianana mpilalao baolina kitra any Eoropa, “mercato”. Anisan’ireo haka mpilalao ny klioba frantsay, Olympique Lyonnais (OL). Araka ny fikarohana natao, anisan’ireo hovidian’izy ireo i Clement Lenglet, frantsay vodilaharana
milalao ao amin’ny Aston Villa.
Nahazo vaovao tsara ny klioba LOU France. Afaka milalao amin’izay i Léo Berdeu, mpilalaon’ity ekipa frantsay ity, rehefa naratra nanomboka ny volana mey lasa teo. Raha ny fikarohana natao, handray anjara amin’ny “Champions Cup”, izay hanomboka ny 13 janoary ho avy izao, izy ireo.
French