Mitohy ny fanaraha-maso ny vidin’entana eny an-tsena, hisorohana ny fanararaotana amin’izao andro fety izao. Manodidina ny 800-850Ar ny kapoaka ny vary gasy fotsy sy ny tsipala. Mahatratra 900-950Ar kosa ny kapoaka ho an’ny dista sy makalioka ary ny vary gasy mena Manalalondo sy ny Mangamila. Manodidina ny 950Ar ny kapoaka ny vary afarana avy any ivelany, “riz de luxe” sy ny “stock”. Manomboka miakatra kosa anefa ny varialoha, toy ny eto Antananarivo, saingy tsy mbola miantraika any amin’ny vidim-bary ankapobeny.
Atsahatra ny fakana sarany amin’ny fampidirana petra-bola eny amin’ny Cash point ao Maintirano, taorian’ny fitarainan’ny mpanjifa. Nivory niaraka nandray andraikitra ny talem-paritry ny fampiroboroboana ny indostria sy ny varotra ary ny fanjifana, ireo mpanao Cash point ao an-toerana ary ny tomponandraikitra avy ao amin’ny Telma.
French