TSELATRA

Renim-pianakaviana iray maty an-drano tao amorondranomasin’i Foulpointe, omaly. Nilalao rano toy ny rehetra izy. Niharan-doza tampoka noho ny antony tsy fantatra mazava ka nitambotsitra ny ainy.
Mpanatitra entana amin’ny bisikileta lasibatry ny fanendahana miharo fikasihan-tanana tao Mahitsy, omaly maraina. Nifanena tamin’ny roa lahy izy ka voasakana. Notifirin’ireo mpandroba totohondry sady voasava ny paosiny ka lasa ny vola 60 000 Ar sy ny finday kely tany aminy.
Lehilahy iray karohina nanomboka ny 2 janoary teo noho ny tranga fahavakisana trano fiangonana, ao amin’ny EKAR Antanimandry Antsirabe. Tratra tao amin’ny trano fonenany avokoa ny entana halatra rehetra, toy ny takamoa, lambam-piangonana niampy ny
sarin’ny Mgr iray tao an-toerana.