Nivoaka ny boky mirakitra ny tetibola sy ny fitanatanambolam-panjakana. Mampahafantatra ny minisiteran’ny Toekarena sy ny tetibola (MEF), fa azon’ny besinimaro fantarina ny antontam-baovao mahakasika ny tontolon’ny tetibola. Anisan’izany ny tetibola ho an’ny daholobe, ny Lalàna mifehy ny fitantanam-bolam-panjakana sy ny torolalana ny fomba famakiana azy.
Tsy misy sarany ireo boky mirakitra ny antontam-baovao ireo, ary azo jeren’ny rehetra ao amin’ny tranokalan’ny minisitera MEF, ao amin’ny www.mef.gov.mg. Azo jerena isaky ny sary ny mombamomba ny boky tsirairay avy sy ny rohy ahafahana maka izany ao amin’ny tranokala.
Endriky ny mangarahara asehon’ny MEF izao, satria zon’ ny olom-pirenena tsirairay ny mahafantatra sy mahalala ny momba ny tetibola sy ny fitantanambolam-panjakana. Azo ampiasaina amin’ny sehatra ilana azy rahateo ny antontam-baovao ao, ho an’ny mpandraharaha, ny orinasa ary indrindra ny olon-tsotra.
Njaka A.
French