Andriantsitohaina Naina : Minisitry ny Fitsinjaram-pahefana sy ny fanajariana ny tany

Voatendry handrafitra ny governemanta tarihin’ny praiminisitra, Ntsay Christian, sy hitantana ny minisiteran’ny Fitsinjaram-pahefana sy ny fanajariana ny tany, Andrian­tsitohaina Naina. Efa nitana ny toeran’ny minisitry ny Raharaham-bahiny ny tenany, tamin’ny taona 2019 mialoha ny naha ben’ny Tanànan’An­ta­nanarivo renivohitra azy.

Filoha mpitantana ny vondrona Andriantsitohaina ihany koa izy. Ankoatra izay, mpandraharaha sy efa nitana ny filohan’ny Sendikan’ny indostria eto Madagasikara (SIM) sy ny vondron’ny orinasa eto Ma­dagasikara (GEM) An­dri­an­­tsi­tohaina Naina ka izao niverina ho minisitra izao indray.

Samy nanao fianianana avokoa ireo minisitra 27 taorian’ny fanendrena azy, teny amin’ny Lapam-panjakana Iavoloha. Handray ny andraikiny avy hatrany izy ireo aorian’ny famindram-pahefana. Marihina fa nisy ny sivana sy ny fitsapana maro natao tamin’ireo CV maherin’ny 400 voarain’ny tomponandraikitra izany.

Henintsoa H.