Hitoetra hatrany ny alondrano ateriky ny rivotra avy atsimo atsinanana any amin’ny morontsiraky ny faritra Atsimo Andrefana, Atsimo ary Atsimo Atsinanana. Ho mafy hatrany koa ny fitsokan’ny rivotra any amin’ny morontsiraky ny faritra Atsimo Andrefana, hoy ny foibe famantarana ny toetry ny andro.
Nijery ifotony ny olana iainan’ny vahoaka eny Ampefiloha Ambodirano tsy ahafahan’izy ireo misitraka fandrindrana ny fianam-pianakaviana ny minisitry ny Fahasalamam-bahoaka. Nanentana ny maha zava-dehibe izany izy ary nampanantena fa hamaha ny olana manakana ny fisitrahana ny tolotra.
Hosantarina anio, eny amin’ny Lapan’ny kolontsaina sy ny fanatanjahantena Mahamasina, ny faha-100 taonan’ny fikambanana Tily eto Madagasikara. Hisy fanompoam-pivavahana ao anatin’ny fandaharam-potoana arahin’ny lanonana skoto. Maro ireo olona sangany teto amin’ny firenena nandalo tamin’ny fikambanana Tily.
French