Nisokatra omaly tamin’ny fomba ofisialy ny taona fambolen-kazo. “Fambolen-kazo manarina ny tontolo iainana sy mamelon’aina no tanjona”, hoy ny filoha Rajoelina Andry.
Tontosa teny Imerintsiatosika, omaly, ny fanokafana tamin’ny fomba ofisialy ny taom-pambolen-kazo 2024. Niatrika izany ny filoham-pirenena, Rajoelina Andry mivady niaraka tamin’ny mpikambana eo anivon’ny governemanta sy olo-manankaja maro. Zana-kazo miisa 18 000 no voavoly. « Tompon’ andraikitra amin’ny hazo voleko aho », no lohahevitra navoitra nandritra izany. Fanamby napetraka ny hamboly hazo amina velaran-tany 75 000 ha amin’ity taona ity, araka ny nambaran’ny minisitry ny Tontolo iainana sy ny fampandrosoana lovain-jafy, i Max Fontaine Andoniaina.
« Vahaolana lehibe amin’ny fiovaovan’ny toetr’andro sy ny fahasimban’ny tontolo iainana ny fambolen-kazo », hoy ny minisitry, anisan’ny tomponandraikitra mivantana. Zava-dehibe ary tafiditra ao anatin’ny vinan’ny fitondram-panjakana ny fanamaitsoana indray an’i Madagasikara. Marihina fa ireo toerana voafaritra ho toeram-pitsangantsanganana eny amin’ny Tanamasoandro, mirefy 20 ha no novolena hazo. Hazo hanome endrika tsara ny toerana, araka izany, no natsatoka. Anisan’izany ny flamboyant, likidambary, mantaly, jacaranda ary ny frene.
Ifantohana ny fanaraha-maso
Tsy afaka ny hijanona eo amin’ny fambolena fotsiny fa tsy maintsy ifantohana bebe kokoa ny fanaraha-maso, mba hanatrarana ny tanjona napetraka, hoy ny minisitra tomponandraikitra. Voalohany indrindra amin’izany ny fampiharana ny « Système d’information sur le réboisement » (SIR), izay paikadin’ny minisitera. Eo ihany koa ny fanentanana sy fiaraha-miasa amin’ny vahoaka eny ifotony, amin’ny alalan’ny tetikasan’ny fanjakana « Ankohonana miarina », izay hanampy ny tokantrano amin’ny fivelomany.
Lin
French