Maro ny zava-bitan’ny orinasa MVola fa tsy vitsy koa ny ezaka hotohizana. Nilaza ny tale jeneraly (CEO), Louis Olivier Favot, fa anisan’ny voalohany nahazo ny satan’ny fifanakalozana ara-bola amin’ny maha banky, ny MVola tamin’ny taona 2023.
Sangany amin’ny lafiny fifanakalozam-bola niomerika ity orinasa ity. Notsorin’ny mpitantana ny MVola, fa sangany amin’ity sehatra ity ny orinasa, satria maherin’ny 6 000 ny toby hifanakalozam-bola Cash point miara-miasa aminy.
Hanehoana ny maha matihanina, maro ny mari-pahalalana sy sata eto an-toerana sy iraisam-pirenena, azon’ny MVola. Toy ny Business Meet Up, ny BCorp, ny GSMA, ny API, sns.
Ankoatra ny fandraharahana, omen’ny MVola lanja manokana ny lafiny sosialy sy ny tontolo iainana. Maherin’ny 5 000 ny zana-kazo efa voavoly. Manana ny anjara toerany ity orinasa ity, satria orinasa tomponandraikitra. Maherin’ny 1,2 miliara Ar ny fanohanany ara-bola amin’ny lafiny sosialy ka ao anatin’izany ireny hetsika «Tosika fameno» natao teto amin’ny firenena ireny. Manampy ireo ny fanohanana ny sosialy, ny fanantanjahantena, sns. Fanamafisana hanohizana ireo fahombiazana ireo no hataon’ny MVola, amin’ity taona 2024 ity sy ny hoavy manaraka.
Njaka A .
French