Mpirahavavy 6 taona sy 11 taona samy niha
ran’ny fanolanana tao Dzamandzar Ampasy, Nosy Be, afakomaly tamin’ny 4 ora maraina. Mpitondra Bajaj ny rain’izy mirahavavy ireto ka niasa alina. Nidiran’ny tsy mataho-tody anefa ny trano ka voaolana ireo zanany mirahavavy.
Lehilahy iray nangalatra fahitalavitra naiditra am-ponja etsy Antanimora, ny alatsinainy teo. Nalainy tao amina tokantrano iray ao Antaniavo, fokontany Ankazomanga, ny faran’ny herinandro lasa teo, io entana io. Voasambotra izy ka niakatra fampanoavana. Mpamerin-keloka efa nigadra ity tratra ity.
Roa lahy nikasa hitatitra omby antsokosoko miampita any Katsepy voasambotry ny zandary, ny 2 febroary teo. Nampiahiahy ny fihetsik’izy roa lahy ireo izay nitondra ireo omby tsy ara-dalàna. Nogiazana ireo omby ary notanana atao fanadihadiana izy mirahalahy.
French