Notanterahina ny alakamisy lasa teo ny antsapaka amin’ny fiadiana ny ho tompondakan’i Eoropa « Ligue des Nations ». Tafaray vondrona i France, Belgique, Italie ary i Israel. Tsiahivina fa fifaninanana iraisam-pirenena hotanterahina manomboka ny volana septambra ho avy izao izy ity.
Fiadanantsoa Sidonie, vehivavy malagasy
atleta, nanamontsana ny zava-bita tsara indrindra tamin’ny “60 m haies”, nandritra ny fifanintsanana “meeting” natao tany Mondeville, ny alakamisy lasa teo. Novitain’ity atleta ity tao anatin’ ny 8 minitra sy fito segondra io halavirana io.
Tsy afaka hilalao baolina mandritra ny enim-bolana Rakotoharimalala Njiva, Malagasy mpilalao baolina kitra. Raha ny vaovao, hiatrika fandidiana eo amin’ny lohaliny ity mpilalao ity. Anisan’ireo lohalaharan’ny Barea de Madagascar nandritra ny andro voalohany sy faharoan’ ny fifanintsanana “Mondial 2026” izy.
Hotontosaina rahampitso, any Antsirabe, ny fifaninanana nasionaly 2024, taranja “Motocross”. Ity no dingana faharoa amin’io fifanintsanana io. Tsara ny mampahafantatra fa lasan’i Mathias Plantive, tompondaka tamin’ny taona 2023, ny dingana voalohany.
French