Voasambotry ny fokonolona ny lehilahy 18 taona mpamaky trano tao Amboniakondro, kaominina Ambohijanaka, afakomaly. Niditra antsokosoko tao amin’ny tokantrano iray teny an-toerana io tontakely io ka nibata ny volany sy izay nifanandrify taminy. Nitsaitsaika nivoaka moramora izy nitondra ny entana halatra. Tsikaritry ny manodidina anefa io mpangalatra io. Nifanenjehan’ ny fokonolona izy ka voasambotra. Nidaroka vokatry ny hatezerana ny mpanenjika sasantsasany. Notazomin’ny andrimasom-pokonolona ity mpamaky trano ity ka natolotra ny zandary. Efa namaky trano tao Antanetibe, fokontany Ambohimiadana, Kaominina Bongatsara koa izy, araka ny fanadihadiana nataon’ny mpitandro filaminana azy. Ankaotra io, mpamaky trano iray hafa koa niharan’ny fitsaram-bahoaka tetsy Antsahabe, boriboritany faharoa, omaly. Nikiry handositra io tontakely io saingy nifanenjehan’ny fokonolona ka tratra. Natolotra ny polisy izy taorian’izay.
Tsiferana R.
French