Mpandeha iray namoy ny ainy vokatry ny fivadihan’ny fiarabe iray tao Vohemar, faritra Sava, omaly. Nifatratra tamin’ny andrin-jiro lehibe io fiara io ka nivarina tany anaty rano. Olona iray maty tsy tra-drano.
Ankizilahy 14 taona lasan’ny rano tao amin’ny vinany Intendro Sahavola, Fenoarivo Atsinanana, afakomaly tamin’ny 10 ora. Nilalao rano teo amoron-drano io ankizy io no tsy hita tampoka. Nifandrimbona nikaroka azy ireo mponina manodidina.
Mpangalatra iray tratran’ny fokonolona ka niharan’ny fitsaram-bahoaka tao Ambolomadinika, Toamasina, omaly maraina. Niezaka nandositra io lehilahy io fa tsy namelan’ireo olon-tsotra. Nalain’ny mpitandro filaminana atao fanadihadiana io mpangalatra io .
Notanana am-ponja ireo roa lahy voasaringotra tamin’ny fanolanana niharo herisetra tao Nosy Be, afakomaly. Niakatra fampanoavana ireo roa lahy voarohirohy tamin’io tranga io. Tsy afa-bela izy ireo ka izao naiditra am-ponja izao.
French