Mitaky fifehezana zavatra maro samihafa ny asana mpiseradia noho izy miantoka ny sehatry ny fizahantany iray manontolo. Masoivohon’ny firenena malagasy izy ireny satria mampahafantatra ny hakanton’ny Nosy amin’ireo mpivahiny tonga eto an-toerana sy hizara izany ho an’ny hafa. Ankoatra izay, mifameno tanteraka amin’ ny firoboroboan’ny teknolojia ny asana mpitaridia. «Tsy miandry ela intsony ireo mpizahatany dia mahita ny biby tadiaviny. Misy ny fitaovana ampiasana hanamorana ny asa”, hoy ny fanazavan’ny filoha nasionalin’ny fikambanana mpiseradia eto Madagasikara, Rasolohery Bodomanana. Na izany, mbola vitsy ny mpiseradia eto Madagasikara. Ankehitriny, manomana sahady ireo zandry mpandimby izahay, hoy ny fanazavana voaray. Mbola vitsy izy ireo indrindra amin’izao fotoana izao ka tsy maharaka ny tolotra sy ny tinady. Manomboka miarina ny sehatry ny fizahantany, mihabetsaka ihany koa ireo teratany vahiny tonga eto amintsika.
Fantatra fa anisan’ny toerana be mpandeha ny ao Andasibe satria ahitana ny varika lehibe indrindra maneran-tany. Manodidina ny 145 km miala ny renivohitra no misy ity alan-javaboary ity.
Henintsoa H.
French