Afaka folo andro, hiatrika ny fifaninanana afrikanina “Jeux Africain”, hatao any Ghana i Madagasikara. Ho an’ny taranja tenisy ambony latabatra, “Ping Pong”, nahenan’ny minisiteran’ny Fanatanjahantena sy ny tanora (MJS) ho efatra ny isan’ny Malagasy mpilalao hiaro ny voninahimpirenena amin’izany.
Araka ny fanazavana voaray teo anivon’ny federasiona malagasin’ny Ping- Pong (FMTT), nakarina ho enina indray io isan’ny atleta ho any Ghana io noho ny fiaraha-miasa misy eo amin’izy ireo sy ny federasiona malagasin’ny fibatana fonjamby. Tsiahivina fa miisa valo ireo mpilalao nandrafitra ny ekipam-pirenena malagasy tany am-boalohany nefa izao nahena izao rehefa nivoaka ny “quota”-n’ izy ireo avy any amin’ny minisitera.
Hiaro ny voninahi-pirenena i Fabio
Anisan’ireo Malagasy mpilalao tenisy ambony latabatra hiaro ny voninahi-pirenena, sokajy lehilahy, Rakotoarimanana Fabio. Tsara ny mampahatsiahy fa vao avy niatrika ny fiadiana ny tompondaka maneran-tany, natao tany Busan Korea Atsimo, ny tenany, ny 16 – 25 febroary teo. Ankoatra an’i Fabio, hanatevina ny ekipa Malagasy, lehilahy, Rakotoarisoa Mamy Setra, tompondakan’i Madagasikara intelo sy Rakotoarisoa Mamy Riva, nandromboka ny fifaninanam-pirenena farany teo.
Ho an’ny vehivavy, ilay atleta milaravinahitra, Raharimanana Hanitra Karen sy Rakotondrazaka Océane ary Rakotonirainy Fitia no hisolotena antsika any.
Fitia Randria
French