Nampiofanina ireo polisy monisipaly 50 hifehy ny fitandroana ny filaminana ao amin’ny kianjan’ny Barea Mahamasina, ho an’ny fifaninanana baolina kitra lehibe sy hetsika goavana. Naharitra 3 andro ny fiofanana natao teny Anosipatrana. Nomena maripankasitrahana ireo mpiofana.
Hiezaka hiditra anaty kaoperativa ny taxi-moto mba hampanan-kery tsara ny fijoroan’izy ireo ara-dalàna. Rafitra takina amin’ny sehatry ny asan’izy ireo izany ka tsy maintsy hatao, hoy ny fanazavan’ny tomponandraikitra. Hahafahana mahazo ny tombontsoa iraisana rahateo ny fidirana anaty kaoperativa.
Nampahafantarina ny mpiasa ao amin’ny CHU Fenoarivo ny lamina vaovao ho fandaminana amin’ny fivezivezena sy fitondrana marary ao amin’ity hopitaly ity. Iankinan’ny fandrindrana ankapobeny eny amin’ny hopitaly ny filaminan’ny fandraisana voalohany ireo marary sy ny fivezivezen’ireo mpikarakara azy ireny.
French