Notoloran’ny filohan’ny Antenimierampirenena, Razanamahasoa Christine, vola ireo fikambanam-behivavy mikarakara ny 8 marsa ao Ambatofinandrahana. Nahazo vola koa ireo kaominina telo andrefan’ny distrika ary ny dorkasy FJKM hanao zaikabe any Antsirabe.
Mbola kandidà depiote eny amin’ny boriborintany fahenina, Andriamampandry Todisoa. Hatolotry ny Vovonana Firaisankina : Tim, HVM, APM, Tsara Tahafina, ProSiteny ny tenany. Nampahafantarin’ny filoha teo aloha, Ravalomanana, ny sabotsy teo izany.
Voatendry ho tale kabinetran’ny Antenimierampirenena, Ratolojanahary Maharavo na i Doudou. Administratera sivily misotro ronono ny tenany ary efa sekretera jeneralin’ny faritra Sofia teo aloha. Mpitarika ny vovonana Dinika ho fanavotam-pirenena (DFP) fony fitondrana Rajaonarimampianina.
Manentana ny rehetra ny Ceni mandritra ny 20 andro, amin’ity volana marsa ity mba hanamarina ao amin’ny lisitry ny mpifidy ny mombamomba azy : www.ceni-madagascar.mg. Afaka manatona eny amin’ ny biraom-pokontany koa mijery ny lisitra natonta vonjimaika.
French