Nodimandry ny alatsinainy teo ny Jly Andriambao Ramisa Nantenaina. Nivoaka tamin’ny andiany faha-19 tao amin’ny Akademia Miaramila Antsirabe izy. Manamboninahitra nitana andraikitra ambony teo anivon’ny Foloalindahy Malagasy. Efa kaomandin’ny fari-piarovana sy filaminana tao Tsiribihina izy. Iray andro monja taorian’ ny nahalasany anefa, nodimandry koa ny vady andefimandriny ny talata teo.
Ramatoa iray tratra nanafika tranon’olona teny Soanavela, kaominina Ambohijanaka, omaly. Ny mpanampy irery no tao an-trano ka mody nodondominy ny varavarana. Vao nisokatra ny varavarana, notapenany ny vava sy ny mason’ilay mpanampy. Nahorony ny entana rehetra azo nobataina tao an-trano toy ny vilany, fahitalavitra. Tafatsoaka ihany anefa ilay mpanampy ka nirohotra avy hatrany ny fokonolona.
French