Nampahafantarin’ny tomponandraikitra, mpikarakara ny «Madagascourt Film Festival» (MFF), omaly, ireo matihanina eo amin’ny tontolon’ny sarimihetsika, hofidina ho mpitsara mandritra ny MFF, andiany faha-19. Miisa enina mianadahy izy ireo, ahitana Malagasy. Anisan’ny fepetra fototra ny fiseharany sy ny fananany ny maha izy azy eo amin’ny tontolon’ny sarimihetsika.
Anisan’ny hofantenana amin’izany i Felana Rajaonarivelo, Andry Ranarisoa, Oswald Rajaonarison, Mohamed Ghasala, Mamaye Idriss, ary Guilliana Fantoni. Raha mitaha ny tamin’ny andiany farany, i Andry Ranarisoa sy Guilliama Fantoni no efa nitsara ny hetsika. Fepetra nisafidianana ireo vaovao kosa ny zava-bitany sy ny nolalovany teo amin’ny tontolon’ny sarimihetsika. Anisan’izany ny an’i Felana Rajaonarivelo, ny
amin’ny niatrehany ny “Festival International des Films de Femme”, natao tany Cotonou, farany teo. Teo ihany koa ny famokarana horonantsary fanadihadiana maro samihafa, anisan’izany ny «Débout», “(i) Reny”, «Femmes aux milles et une facettes».
Raha tsiahivina, hifarana ny 14 avrily 2024 ny fandraisana ny sarimihetsika hifaninana amin’ity hetsika ity. Fifaninanana misokatra ho an’ny Afrikanina rehetra mpiangaly sarimihetsika.
Lin
French