Vokatra vaovao: namoaka ny Racines ny Star

Mitombo isa indray ny zava-pisotro vokarin’ny Star. Nam­pa­hafantarina tamin’ny fomba ofisialy, omaly, tetsy amin’ny foibe Andraharo ny  Racines. Zava-pisotro misy alikaola izy
ity, saingy tsy anatin’ny sokajy labiera. “Akora misy eto an-toerana, dia ny cola sy ny arthémesia no laro ao anatiny. Avy amin’ izay faka izay rahateo ny anaran’ity zava-pisotro ity”, hoy ny nambaran-dRakotondrainibe Andrianina, tomponandraikitra ao amin’ny Star. 5,5 % kosa ny tahan’alikaola ao aminy, ka voasokajy ho an’ny mihoatra ny 18 taona ihany, araka izany ny vokatra vaovao.
Ao anatin’ny fampahafantarana ny Racines ny tomponandraikitra amin’izao fotoana. Hisy, araka izany, ireo karazana hetsika sy fanentanana ara-barotra hataon’ny Star, hampi­paka ny vokatra any amin’ny mpanjifa.

Zo ny Aina