Marolafy ny fotodrafitrasa notokanana tao amin’ny kaominina Ivato, omaly, notarihin’ny ben’ny Tanàna, Randrianarisoa Penjy. Vita ireo lalana any anelakela-trano izay tena nampijaly ny vahoaka. Navadika ho beton ireo tetezan-kazo fiampitana ary nipaka hatreny an-tanimbary ny fanamboarana hialana amin’ny fianjeran’ireo mpianatra mamonjy sekoly eny amin’ireo fokontany voakasik’izany.
Tetsy andaniny, nohavaozina ihany koa ny Tranompokonolona ao amin’ny fokontany Ankadindravola. Sady endriky ny tanàna no hanampy ireo olona manan-draharaha, toy ireo manao mariazy, manao fety aman-danonana, ny fotodrafitrasa voavoatra.
Omaly koa no nizarana ireo ampahany tamin’ny karatany izay fiaraha-miasa tamin’ny fitondram-panjakana ka tsy diso anjara ny kaominina Ivato.
“Mihazakazaka ny 100 andro amin’ny asa fampandrosoana ary mipaka isan-tokantrano satria midona any am-baravaran’ny olona ny fanamboarana ny lalankely”, hoy ny ben’ny Tanàna. Mifanolo-tanana amin’ireo mpiara-miombon’antoka ny kaominina fa eo koa ny hetra, tamberin’andraikitra omena ny vahoaka.
Tatiana A
French