Mikarakara fifaninanana basikety, natokana ho an’ny mpianatra eny anivon’ny Lycée “All step”, ny ligin’Analamanga. Mbola tsy fantatra ny daty hanaovana izany saingy efa misokatra ny fandraisana ireo Lycée vonona hifaninana.
Hatao ny 26 marsa ho avy izao ny fivoriambe arahina fifidianana eo anivon’ny ligin’Analamanga, taranja karaté. Ao amin’ny Lapan’ny fanatanjahantena Mahamasina no hanaovana izany, manomboka amin’ ny 10 ora maraina.
Hotanterahina afaka 10 andro ny fiadiana ny ho tompondakan’i Madagasikara, taranja Jiu-jitsu Breziliana “Nach No Gi” 2024. Fifaninanana hatao ao amin’ny Kianja mitafon’Ankorondrano, ny sabotsy 30 marsa ho avy izao manomboka amin’ny 9 ora maraina.
Hiditra amin’ny andro faha-8, faha-9 ary faha-10 ny fiadiana ny ho tompondakan’Analamanga, taranja volley-ball, “1e division” sy ny “2e division”, ny 28-30 marsa izao. Kianja 4 (Betongolo, Itaosy Cité, Cité Mandroseza, Saint Michel Amparibe) no handray io fifaninanana io, araka ny tapaka.
French