Ny Compagnie Mangano Massip, avy any Frantsa indray no hiaka-tsehatra eny amin’ny Institut français de Madagascar (IFM) Analakely, ao anatin’ny «Festival Temps Fort Théâtre », anio. Mandritra izany no hilalaovan’izy ireo ny piesy teatraly « Les Aimants ». Vondrona mpiangaly teatra anisan’ny manana ny maha izy azy ny Compagnie Mangano Massip. Firenena maro tao Eoropa sy Azia no efa nandalovany sy nametrahany ny maha izy azy ireo. Amin’ izao fandalovana eto Madagasikara, ao anatin’ny “Temps Fort Théâtre” izao, ezaka sy tanjona ny hizara ny fahaiza-manao eo amin’ny filalaovana an-tsehatra, indrindra ny teatra moderina.
Anisan’ny maro mpiandry ny fandraisan’anjaran’ity kaompania ity. Seho an-tsehatra niforona ny taona 2014 ny “Les Aimants” ary i Sara Mangano sy Pierre Yves Massip no nanatontosa azy. Teatra maneho tantarana mpifankatia, laroina dihy, maharitra 60 minitra, izy io. Efitrano fijerena teatra maro tao Frantsa no naka azy, taorian’ny nivoahany. Nivelatra nanerana izao tontolo izao izany taty aoriana ary izao tonga eto Madagasikara izao folo taona aty aoriana.
Lin
French